Bota

Jelekverdhët nuk dorëzohen, sërish protesta e përleshje me policinë


               Publikuar në : 17:12 - 14/04/19 |
el ida

Jelekverdhët e Francës nuk ndalen. Ata protestuan sërish, për të parën herë pas dekretimit javën e kaluar nga presidenti, të masave që i japin forcave të rendit më tepër pushtet në ndalimin e dhunës gjatë tubimeve.

Këtë javë ishte Tuluz, qyteti që u shndërrua në kryeqendër të përleshjeve të Jelekëverdhëve me policinë franceze, në javën e 22-të radhazi të manifestimeve kundër presidentit Macron. Protestuesit qëlluan me gurë, shishe e sende të forta në drejtim të policisë, ndërsa mediat franceze raportojnë se 23 persona ranë në pranga nga përleshjet. Manifestimet u shtrinë edhe në kryeqytetin Paris, Nantë e qytete të tjera, por përmasat ishin më të vogla se fundjavat e kaluara.

Macron pritet të shpallë javën e ardhshme të tjera reforma që synojnë të kënaqin Jelekëverdhët, si reduktimi i taksës mbi të ardhurat dhe indeksimi i pensioneve në bazë të inflacionit, ndërsa mori një “goditje” nga Gjykata Kushtetuese franceze, e cila e shpalli anti-kushtetuese njërën nga masat e propozuara me forcë prej tij, atë që ndalon manifestuesit të mbulojnë fytyrën./Opinion.al

Pas