Lajmi për dënimin e ish-ministrit të Brendshëm Saimir Tahiri nga Gjykata e Krimeve të Rënda nuk ka kaluar pa marrë vëmendjen e disa mediave ndërkombëtare.
Pritja maratonë për rreth 5 orë për dhënien e vendimit u ndoq me interes jo vetëm nga mediat brenda Shqipërisë. Agjencia e lajmeve Retures ka raportuar dënimin e Tahirit. Ajo shkuan ish-bashkëpunëtori i ngushtë i kryeministrit Rama akuzohej për trafik droge, grup të struktrukturuar kriminal, por u dënua vetëm për shpërdorim detyre.
“Prokurorët kërkuan që Tahiri, dikur një nga bashkëpunëtorët më të afërt të kryeministrit Edi Rama, të burgosej për 12 vjet me akuzën e korrupsionit, trafikut të drogës dhe të qenurit pjesë e një grupi kriminal, në një rast që ka tronditur administratën e majtë.
Vendimi vjen një muaj para se vendet anëtare të Bashkimit Evropian, të interesuar të shohin Tiranën të rrisë luftën e saj kundër korrupsionit, të takohen për të vendosur nëse do të mbështesin Shqipërinë për të filluar negociatat për anëtarësim të rekomanduara nga Komisioni i BE” shkruan ndër të tjera Reuters.
Lajmin e Reuters e ka raportuar gjithashtu edhe Euronews, e cila përmend lidhjen e ngushtë të Tahirit me kryeministrin Rama
“Një nga yjet në rritje të Partisë Socialiste kur u emërua ministër i Brendshëm vetëm në moshën 34 vjeç në vitin 2013, Tahiri filloi modernizimin e forcës policore dhe ndaloi prodhimin në shkallë industriale të kanabisit në enklavën e paligjshme të Lazaratit në fillim të vitit 2014. Sidoqoftë, kanabisi më pas u përhap në të gjithë vendin e Ballkanit dhe trafikantët kanë zbarkuar ngarkesa deri në një ton në Itali” shkruan Euronews.
Lajmi është raportuar edhe nga agjencia e lajmeve në Itali ANSA.
“Ish-minister ne kabinetin e kryeministrit socialist të Edi Ramës, në detyrë deri në marsin e kaluar 2017, Tahiri përfundoi në gjyq pas hetimeve të kryera në Itali, hetime që çuan, në tetor të po këtij viti, në shkatërrimin e një organizatë kriminale e përbërë nga italianë dhe shqiptarë, disa të afërm të ish-ministrit, qe merreshin me trafikimin ndërkombëtar të drogës dhe armëve. Tahiri tashmë ka njoftuar se do të apelojë vendimin” shkruhet në artikullin e ANSA.
Saimir Tahiri u dënuar mbrëmjen e së enjtes nga Gjykata e Krimeve të Rënda me 5 vite burg për shpërdorim detyre. Këto do të konvertohen në 3 vite shërbim prove. Ai tha se do të apelonte vendimin dhe ndërkohë ka paralajmëruara ditën e sotme një deklaratë për mediat. /Opinion.al
