Sekretari i Përgjithshëm i PD-së, Gazment Bardhi ka reaguar pas deklaratës së kryeministrit Edi Rama lidhur me përzgjedhjen e kandidatëve për deputet në PD.
Përmes një postimi në rrjetet sociale, Bardhi shkruan se qytetarët nuk kanë më besim tek Rama dhe se ai do mbetet vegël në dorën e krimit të organizuar dhe të hajdutëve.
Postimi i plotë
Vazhdo tek plehrat se je mirë. Mos harxho kohën kot me procesin transparent të përzgjedhjes së kandidatëve nga PD bashkë me qytetarët, sepse nuk të beson më askush për asgjë. Shqiptarët janë mbingopur nga gënjeshtrat dhe batutat e tua të lodhura. Ti dhe Qeveria jote e dështuar nuk ka asnjë lidhje me qytetarët. Prandaj nuk ke as bilanc, as ide, as zgjidhje për hallet e shtuara të qytetarëve. Ke qënë, je dhe do të mbetesh vegël në dorën e krimit të organizuar dhe Kryetar i denjë i Komitetit të Hajdutëve të Rilindur.
