Dita e sotme shënon 22-vjetorin e vrasjes së deputetit demokrat dhe pishtarit të demokracisë, Azem Hajdari.
Vajza e tij, deputetja Rudina Hajdari ka përkujtuar përvjetorin e ndarjes nga jeta të babait të saj me anë të një mesazhi në rrjetet sociale.
“Babi, 22 vite pa ty pranë fizikisht jane shumë. Por ti je me mua përditë. Je me mua kur zgjohem dhe shpesh e ndiej sikur me thua si dikur pasuria e gjithë botës është në duart e tua kur je njeri i lirë dhe i ndershëm. Je me mua kur luftoj, e ndiej fuqinë tënde që më motivon dhe më shtyn të fitoj”, shkruan Rudina.
Më tej deputetja thotë se do të ndjek rrugën tij, rrugën e “njeriut që nuk e tregtoi kurrë lirinë”.
“Je me mua kur takoj mijëra shqiptarë të cilët ende sot mbas 22 vitesh të kujtojnë sikur të kishin takuar dje. Je me mua kur më jep forcën të ndjek rrugën tënde. Rrugën e drejtësisë, rrugën e lirisë, rrugën e njerëzve të lirë.
Më ka marrë malli, por të ndiej përditë, sepse mundohem të eci në hapat e tua. Në hapat e një njeriu që kurrë nuk e tregtoi lirinë. Do eci, ta premtoj”, përmbyll Rudina Hajdari.
Azem Hajdari u ekzekutua mbrëmjen e 12 shtatorit 1998, pranë selisë së Partisë Demokratike. Për vrasjen e tij vuan dënimin me burgim të përjetshëm Jaho Mulosmani. /Opinion.al
