Kur Beyonce nxorri albumin “Lemonade” të gjithë u habitën nga fabula e albumit dhe faji ra i gjithi mbi bashkëshortin e saj Jay Z. Për herë të parë, Beyonce i prezantoi fansat dhe gjithë botën me problemet e saj në çift apo tradhëtinë e Jay Z dhe të gjithë mbetën pa fjalë. Por theksojmë se përveç këngëve, çifti qendroi tepër i heshtur dhe nuk thanë absolutisht asnjë fjalë për këto probleme. Por së fundmi Jay Z na prezantoi me albumin e tij “4:44” , një përgjigje për albumin e bashkëshortes së tij.
“Kjo është jeta ime e vërtetë” është shprehur këngëtari në lidhje me këtë album. “Kur unë dhe Beyonce nisëm këtë marrëdhënie të bukur nuk e bazuam 100% në besim dhe kështu ajo filloi të krisej. Filluan të ndodhnin shumë gjëra, dhe publiku filloi ti vinte re. Më pas ne arritëm në një pikë ku vendosëm ta hidhnim të gjithën pas krahëve dhe menduam ta nisnim çdo gjë nga fillimi. Kjo është gjëja më e vështirë që kam bërë në jetën time, madje edhe më e vështirë se të ndërtoja gjithë karrierën time dhe më e vështirë se momenti kur më qelluan. “ – përfundoi rrëfimin e sinqertë këngëtari./Opinion.al
