Një grua, e identifikuar si “Jane Doe,” ka paraqitur një padi civile ku akuzon artistët e njohur Sean “Diddy” Combs dhe Shawn “Jay-Z” Carter për sulm seksual.
Ngjarja pretendohet të ketë ndodhur në vitin 2000, gjatë një feste pas ndarjes së çmimeve të Video Music Awards, kur paditësja ishte vetëm 13 vjeçe.
Në fillim, padia ishte e drejtuar vetëm kundër Combs, por së fundmi është përfshirë edhe Carter si i pandehur, i cili më parë ishte referuar si “Celebrity A”.
Sipas padisë së ndryshuar, Jane Doe pretendon se pas konsumimit të një pijeje në festë, ajo ndjeu marramendje dhe u largua në një dhomë gjumi, ku pretendon se u sulmua seksualisht nga Jay-Z dhe më pas nga Combs.
Carter ka mohuar kategorikisht akuzat, duke i quajtur ato “të pabazuara dhe të neveritshme”. Në një deklaratë, ai i ka bërë thirrje paditëses të paraqesë një padi penale nëse akuzat janë të vërteta. Ai gjithashtu e cilësoi kërkesën për ndërmjetësim nga pala akuzuese si një përpjekje për shantazh.
Ndërsa Diddy Combs përballet me akuza të shumta, përfshirë trafikimin seksual. Avokati i Jane Doe, Tony Buzbee, deklaroi se klientja e tij nuk ka kërkuar kurrë para. Ai e quajti reagimin e Carter një përpjekje për intimidim dhe premtoi se çështja do të trajtohet me vendosmëri në gjykatë.
