Vendi ynë do të goditet nga i ftohti polar duke filluar nga kjo fundjavë deri në mesin e javës së ardhshme.
Sipas parashikimeve të Meteoalb, duke nisur nga dita e shtunë do të ketë reshje dëbore në zonat lindore, ndërsa temperaturat do të zbresin në minus disa gradë Celsius.
“Mëngjesi ka vijuar ende i ngrohtë, për shkak të qarkullimit të masave me origjinë nga jugu. Pritet që orët vijuese, në pjesën e dytë të ditës do ketë masa të ftohta nga rrethi polar.
Do ketë menjëherë rënie të temperaturve duke i konvertuar reshjet e shiut në reshje dëbore.
Mëngjesin e së shtunës do ketë spostim të vranësirave, duke bërë që moti të jetë i kthjellët , megjithatë do jetë shumë ftohtë. Temperaturat në fundjavë do të shkojnë -10 apo -11 gradë në vendet malore. Maksimalet gjatë fundjavës nuk do ngjiten më shumë se 7 apo 8 gradë.
Ky i ftohtë do qëndrojë disa ditë, të paktën deri të enjten. Do kemi ditë shumë të ftohta, nga e mërkura vlera negative në -15 gradë në zonat malore. Edhe në Tiranë temperaturat do të zbresin në -5 gradë.
Dita më e ftohtë përcaktohet dita e hënë dhe e marta e ngjashme. Ka një tërheqje të valës ditën e enjte. Problematike do jenë ngricat në akset rrugore.
Do jetë parametri i erës prezent që nga fundjava deri në mesin e javës. Më pas do kemi në ditët e fundit të janarit ditë të ftohta, por jo aq shumë të ftohta sa do përjetojmë gjatë këtyre ditëve”, deklaroi sinoptikania Lajda Porja për News24 ./Opinion.al
