Kryeministri Edi Rama e ka nisur mëngjesin e sotëm duke u bërë thirrje të gjithë studentëve që të vaksinohen.
Në një postim në rrjetin social”Facebook”, Rama shkruan se të gjithë studentët duhet të shfrytëzojnë javën e vaksinimit masiv, nga data 11 deri në 17 Tetor si rrugën e vetme për të hyrë në auditor.
“Dhe me inkurajimin ndaj çdo studenteje e studenti që nuk është vaksinuar ende, që të shfrytëzojë “Javën e vaksinimit masiv të studentëve” mes datave 11-17 tetor në fakultetin ku studion, si rrugën për të hyrë në auditor me të tjerët dhe njëkohësisht si një detyrim moral e përgjegjësi qytetare në mbrojtjen e shëndetit të gjithsecilit, ju uroj një ditë të mbarë”, shkruan Rama.
Një ditë më parë ministria e Arsimit njoftoi shtyrjen e fillimit të nisjes së vitit të ri akademik. Ajo njoftoi se java e ardhshme nuk do të ketë mësim, por një vaksinim masiv, ndërsa universitetet do të nisin më 18 tetor./Opinion.al
