Brenda 48 orëve Byroja e Kuvendit duhet të mblidhet për të shqyrtuar kërkesën për përjashtimin me 10 ditë të deputetëve që ushtruan dhunë në kuvend. Kështu është shprehur Taulat Balla, kreu i grupit kuvendor socialist për kolegët e tij opozitarë, pas ngjarjeve të djeshme në Kuvendin e Shqipërisë.
Pas vendimit të Policisë dhe prokurorisë për për të proceduar penalisht në gjendje të lirë 10 deputetë të opozitës për prishje të rendit dhe kundërshtim të forcave të policisë, Balla ka kërkuar masa të tjera.
“Brenda 48 orëve Byroja duhet të mblidhet për të shqyrtuar kërkesën për të përjashtuar me 10 ditë deputetët që ushtruan dhunë. Detyra e deputetit është liria e fjalës dhe ushtrimit të detyrës. PS po përgatit një material për hapat që do të ndërmarrë.
Përgëzojmë hapat e marra nga Policia e Shtetit. Rasti i Kryemadhit është i paprecedentë dhe goditja është vepër penale. Ne presim ndjesë nga PD e LSI për situatën e djeshme dhe jemi të shqetësuar për sjelljen e opozitës, pasi fyen shqiptarët”-tha Balla.
