Një nga tajfunet më të mëdhenj që ka goditur ndonjëherë Japoninë ka goditur ishullin jugor të Kyushu.
Tajfuni Nanmadol ka sjellë erëra prej të paktën 180 km/h (112 mph) dhe në disa zona mund të kenë 500 mm reshje shiu gjatë ditës së sotme dhe në mbrëmje.
Të paktën katër milionë njerëzve u është thënë të largohen nga shtëpitë e tyre.
Priten përmbytje të mëdha dhe rrëshqitje dheu, ndërsa shërbimet e trenave, tragetet dhe qindra fluturime janë anuluar.
Tajfuni arriti pranë qytetit të Kagoshima, në majën jugore të Kyushu, mëngjesin e sotëm.
Kyushu është më jugori nga katër ishujt që përbëjnë pjesën kryesore të Japonisë dhe ka një popullsi prej më shumë se 13 milionë banorw.
Autoritetet kishin lëshuar “alarm” për ishullin, i pari i vendosur ndonjëherë jashtë prefekturës Okinawa, i cili përbëhet nga ishujt më të vegjël dhe të largët japonezë në Detin e Kinës Lindore, raporton Japan Times.
Agjencia Meteorologjike e Japonisë tha se Nanmadol do të sillte shira të rrëmbyeshëm, stuhi përgjatë bregdetit dhe erëra aq të fuqishme sa që ekzistonte rreziku që shtëpitë mund të shemben.
