Ekonomia e Japonisë është tkurrur me shkallën më të shpejtë në historinë e saj, ndërkohë që lufton me pandeminë Covid-19.
Ekonomia e tretë më e madhe në botë është përballur me ulje 7.8% të prodhimit të brendshëm në periudhën prill-qershor, në krahasim me tre-mujorin e kaluar.
Të dhënat e publikuara të hënën kanë vënë në pah sërish ndikimin e madh që ka pasur koronavirusi në shumicën e ekonomive në botë.
Japonia ka rrëshqitur në recesion më herët gjatë këtij viti, pas dy tre-mujorëve të njëpasnjëshem të tkurrjes ekonomike.
Të dhënat e fundit për periudhën prill-qershor përbëjnë rënien më të madhe prej kur ka nisur të bëhet krahasimi i të dhënave më 1980, duke tejkaluar edhe parashikimet.
Ulja e madhe e konsumit të brendshëm është thënë të ketë qenë arsyeja kyçe e kësaj uljeje, por edhe eksporti ka rënë dukshëm për shkak të tregtisë së goditur nga pandemia.
Të dhënat e këtij viti, flasin për performacën më të keqe të ekonomisë japoneze prej vitit 1955.
