Japonia është goditur nga një tajfun i fuqishëm.Tajfuni Hagibis ka nisur në anën lindore të Japonisë, duke u spostuar së fundmi në qendër të vendit me erëra që pritet të arrijnë deri në 216 kilometra në orë. Deri më tani raportohet se një person ka humbur jetën dhe disa të tjerë janë plagosur.
Mbi 1,6 milion banorë janë urdhëruar që të evakuohen nga zonat që pritet të goditen nga kjo stuhi, ndërsa të paktën 8.800 shtëpi në pjesën lindore të vendit kanë mbetur pa energji elektrike.
Gjithashtu bëhet me dije se janë anuluar mbi 1,600 fluturime, dhe mbyllur mijëra metro.Tajfuni Hagibis thuhet se është stuhia e parë “shumë e fuqishme” që pritet të godasë ishullin Honshu, që prej vitit 1991./Opinion.al
