Motra e popstar-it Michael Jackson , Janet Jackson, është ndarë nga burri i saj multimilioner vetëm disa muaj pasi lindi fëmijën e saj të parë me të, në moshën 50 vjeçare. Ajo është martuar me Wissam Al Mana në vitin 2012.
“Janet dhe Wissiam kanë vendosur se martesa e tyre nuk po funksiononte dhe të dy duhet të vazhdonin rrugën e tyre të ndarë.”– ka thënë për Daliy Mail, mbrëmjen e së shtunës, një mik i ngushtë i Jackson.
“Ato të dy janë njerëz shumë të zënë por janë të vendosur për të qenë prindër të mirë edhe pse janë të ndarë. Ndërsa Eissa do të qëndrojë me nënën e tij.”
Një zgjidhje e divorcit duket se do të jetë shumë komplekse dhe e kushtueshme për biznesmenin nga Qatar, Al Mana i cili vlersohet të ketë një pasuri rreth 1 miliardë dollarë.
Ka pasur thashetheme për ndarjen e tyre pas lindjes së djalit Eissa, ku këngëtarja është parë për herë të parë në publik pa unazë martese.
Kur çifti u martua, kishte spekulime të pakonfirmuara, se Janet ishte kthyer në muslimane, për shkak se ajo kishte vendosur një shall në kokë.
Kjo është martesa e tretë për këngëtaren, e cila është martuar për herë të parë me këngëtarin James Debarge në vitin 1984, por çifti u nda një vit më vonë. Burri i saj i dytë ishte balerini meksikan Rene Elizondo.
