Deputeti i PS, Erion Braçe, në një prononcim për mediat ka deklaruar se ish-kryeministri Sali Berisha po përdor dhunën në Kuvend si gjuhë përkundrejt drejtësisë.
Ai theksoi se një grusht deputetësh po kthehen në një milici fashiste dhe se ajo “çfarë po ndodh atje brenda ka të bëjë me raportin e një njeriu me drejtësinë, ky është Sali Berisha”.
“Jemi në nivelin e milicisë fashiste. Imponimi me dhunë përkundrejt deputetëve, jo karrigeve, është fashizëm.
E gjitha çfarë po ndodh atje brenda dhe po ndodh tani ka të bëjë me raportin e një njeriu me drejtësinë, ky është Sali Berisha.
Po përdor dhunën mes Parlamentit si gjuhë përkundrejt drejtësisë. Karriget do kthehen aty ku ishin, do kthehemi në Kuvend, ulur apo ngritur, me apo pa karrige, me mikrofon apo pa mikrofon.
Një grusht deputetësh po kthehen në një milici fashiste. Jam përjashtuar nga seanca plenare për bilbilin dhe daullen”, tha Braçe.
