AltinValiasi dhe Durim Dervishi u arrestuar një ditë më parë nga policia e Tiranës për gjobëvënie ndaj një biznesmeni në vlerën e 10 mijë eurove. Ata kanë dalë sot para gjykatës së Krimeve të Rënda ku janë njohur me masën e sigurisë “arrest me burg”.
Hetimi për ta kishte nisur rreth në muaj më parë kur denoncuesi kishte marrë telefonata dhe SMS kërcënuese. Prokuroria ka vënë në përgjim disa numra telefoni dhe ka rezultuar se 21-vjecari Valiasi ka folur edhe me numrin e babait të tij. I arrestuari tjetër 19-vjeçari Durim Dervishi ka thënë para gjykatës se nuk ka lidhje me këtë histori. Ai ka sqaruar se vetëm ka shoqëruar mikun e tij ditën ku do të merreshin paratë.
Para gjykatës, dy të rinjtë u shprehen të penduar për veprimin e tyre, duke kërkuar nga gjykata caktimin e një mase më të butë sigurie. Ata i thanë gjykatës, se nuk kishin për qëllim të krijonin shqetësime për biznesmenin apo ta vrisnin, por donin të merrnin paratë.
Sipas akuzës, dy të rinjtë, Altin Vasili dhe Durim Dervishi kishin njohje me të dëmtuarin, pasi blinin material për kompaninë e pastrimit ku ata punonin.
Në mesazhe njer prej tyre thote se jam Elton Shullazi. Një emër i sajuar vetëm për ti futur frikën biznesmenin duke permendur “Shullazin”.
