Fotoja e një invalidi teksa dhunohet nga një efektiv policie gjatë protestës është shpërndarë me shpejtësi në rrjetet sociale, ndërsa ka sjellë dhe reagimin e opozitës. Si PD dhe LSI dënojnë dhunën, ndërsa Petrit Vasili i kërkon llogari Bashkimit Euriopian.
“BE, që foli për kërpudhën e Rames pse hesht për dhunimin e invalidit nga policia???? Policia dhunon në mënyrë kriminale qytetarin invalid, të papune dhe pa asnjë ndihme z.Gjergj Çuni.
Këta të BE dhe OSBE etj etj, qe u merakosen kaq shumë për kërpudhën e Edi Rames, ç’hall kanë që nuk flasin sot asnjë fjalë për këtë akt kriminal dhe çnjerëzor të policisë ndaj qytetarit invalid”, shkruan Vasili.
Gjergj Cunit, thotë opozita, qeveria i ka hequr pensionin e invaliditetit ndaj dhe proteston.
Ndërkohë në një tjetër video, në momentin kur protestuesit u zhvendosën përpara Ministrisë së Brendshme, ai është duke thënë se i kanë hequr bukën e gojës. “Jam shqiptar e nuk dorëzohem”, thotë ai, teksa mban në duar dy flamuj, flamurin kombëtar dhe atë të BE./Opinion.al
