Zayn Malik shokoi fansat pak ditë më parë kur shkroi në Twitter se është “njeri i ndyrë”, ndërsa më pas e fshiu menjëherë postimin. Këngëtari 26-vjeçar u kërkoi falje fansave të tij, teksa shkroi një përditësim lidhur me shëndetin e tij mendor.
Ai shkroi se është i lumtur, por mund të jetë edhe më i lumtur, ndërsa e cilësoi postimin e tij si një shfryrje.
“Aktualisht i lumtur, por mund të jem edhe më i lumtur. Faleminderit për të gjithë dashurinë dhe mendimet”, shkroi Zayn.
Ndërsa ende nuk dihet arsyeja e këtij postimi, deklarata e tij erdhi pasi, miku i tij i ngushtë, Louis Tomlinson pranoi se miqësia e tyre është ftohur që kur ai u largua nga grupi në 2015-n. Madje Zayn nuk mori pjesë në performancën që mbajti Louis pas vdekjes së nënës së tij, ndërsa të gjithë ish-anëtarët e tjerë të grupi “One Direction” e pranuan ftesën e tij. Louis Tomlinson së fundmi po vuan edhe vdekjen e motrës së tij 18-vjeçare, Felicite./Opinion.al
