Gjatë vizitës në Fier, kreu i Partisë Demokratike, Lulzim Basha, po zhvillon takime me qytetarët në kuadër të zgjedhjeve të 25 prillit.
Kreu i PD teksa po takon qytetarët iu ka bërë thirrje në radhë të parë të mbajnë maskat dhe respektojnë distancën.
Ndërkohë në rrugë i ka dalë përpara dhe një vajzë e re, e cila tha se ishte një socialiste e zhgënjyer nga PS dhe kryeministri Edi Rama.
“Jam një ish-socialiste e zhgënjyer. Nga këta manipulatorë. Nga një kryeministër që ka 8 vite dhe thotë kjo ishte gjysma e rrugës sonë. Jam Kamela Troka. Më mirë të mblidhemi këtu të vdesin nga virusi sesa të na shtypë Rama”, -tha gruaja. Sakaq gjatë takimit lideri demokrat i premtoi se do të punojë për të gjithë, edhe për socialistët./Opinion.al
