“Ishte vendimi më i vështirë politik të cilin e kam marrë pas një konsultimi të gjerë e të gjatë me familjen, miq të afërt e kolegë brenda e jashtë vendit si dhe me votues e aktivistë të shumtë që e kanë mbështetur gjatë fushatës elektorale”. Kështu ka deklaruar Ralf Gjoni, i cili ka pranuar të marrë mandatin ndërsa ishte në listën e LSI për qarkun e Tiranës.
Sipas tij me këtë vendim ai është rreshtuar në krahun e drejtë të historisë. “Emri e integriteti im, nuk mund t’i shërbejnë kurrë destabilizimit të vendit, ndaj sot të gjithë duhet të marrin përgjegjësitë që kanë për të garantuar funksionimin normal të Parlamentit, si themel i shtetit shqiptar. Shqiptarët meritojnë qetësi, progres e shpresë për të ardhmen”, thotë Gjoni, i cili ka qenë më parë Sekretar i LSI-së për marrëdhëniet me Jashtë si dhe këshilltar i ish-kryetarit të Parlamentit Ilir Meta.
Deri më tani janë 11 nga kandidatët e opozitës që kanë marrë mandatin, ndërsa 3 deputetë nuk kanë pranuar të heqin dorë. /Opinion.al
