Fiset Maja dhe Rraja duket se janë përpjekur të gjejnë një zgjidhje konsensuale, përpara se situata të degradojë në dhunë. Të paktën kështu lihet të kuptohet përmes një bisede telefonike mes Jashar Majës me bashkëpronarin e gurores në Borizanë Fredi Karaj.
Biseda e publikuar nga Euroneës Albania, dhe e transmetuar në emisionin ‘Revieë’, lë qartë të kuptohet se dëmtimet në banesa janë pranuar nga të dyja palët, por shfrytëzuesit e gurores kanë kërkuar të ofrojnë dëmshpërblim për të mos e ndjekur çështjen ligjërisht. Në bisedë pjesëtari i fisit Maja i ka kërkuar që të punojnë më me avash, ndërkohë Rraja i është përgjigjur që dëmeve të shkaktuara do t’iu përgjigjet por u kërkoi të mos i afrohen më gurores.
Sikurse shprehet, në momentin që është zhvilluar biseda, Fredi Karaj ka qenë në Drejtorinë e Policisë së Tiranës.
Pjesë nga biseda:
Jashari: O Fredi, Jashari jam, si kalove? Vallahi tani ka shkuar puna ku nuk mban më!
Fredi: O Jashar a të flas pak…
Jashari: Dëgjo Fredi, policia tani është këtu në vendngjarje, denoncimin e kanë çuar pa ditur gjë ne, e kanë çuar ca të tjerë, tani nuk të duron kush. Hajde shihe, hy gishti në mur!
Fredi: Në rregull, çfarë dëmi të ju kem bërë, do të sjellë ekspertizën.
Jashari: Jemi 70 burra këtu, pse nuk vjen për të na dhënë përgjigje!
Fredi: Jam në Tiranë, jam në Drejtori të Policisë. Do ju përgjigjem çfarë dëmi të ju kem bërë, me më ardhur dhe njëherë në gurore, ke për të më njohur…
Jashari: Bilbil Maja të njeh shumë mirë se kush je, dhe unë të njoh shumë mirë se kush je.
Fredi: Të thashë të përgjigjem
Jashari: Po të flasë në mënyrë njerëzore, Bilbilin e njoh unë.
Fredi: Nuk afroheni më në gurore time.
Jashari: Jam në guroren time, se jam në shtëpi time, në oborrin tim.
Fredi: Ti nuk afrohesh më në gurore.
Jashari: E provojmë kush afrohet.
Fredi: Nuk ke për ta parë me guroren ti dhe asnjë, ama të përgjigjem.
Jashari: Hajde pra shihe që nesër në mëngjes shtëpinë time.
Fredi: E shoh unë shtëpinë tënde
Jashari: Pse nuk vini, pse nuk sjellë cubin këtu. Tur Bushin a kush është ai.
Fredi: Nuk ka lidhje ai, jemi ne.
Jashari: Hajt.
