19-vjeçarja Hygerta Meta nuk ka shfaqur pendesë për vrasjen e babait të saj, ngjarje e ndodhur në Shënavlash të Durrësit.
Sipas dëshmisë së dhënë për oficerët e policisë gjyqësore, Hygerta Meta pohon se i ati vendoste në familje dhe se nuk pyeste antarët e tjerë se çfarë dëshironin.
Më tej ajo thekson se kur babai mori vendimin për martesën e saj aty erdhi fundi.
“Jam e lumtur që e kreva unë këtë punë dhe nuk pendohem që kam vrarë tim atë. Ai na ka torturuar dhe i ka nxirë jetën nënës sime. Unë jam fëmija i vogël i familjes. Motra është më e madhja është e martuar, janë 2 vëllezërit dhe pastaj unë. Mami dhe ne nuk kemi folur kurrë në familje. Për gjithçka fliste dhe vendoste babai. Ai nuk na pyeste kurrë çfarë dëshironim. Kur mori vendimin për martesën time aty erdhi fundi. Nuk dëgjoi çfarë unë doja. Mu mblodh një urrejtje për një kohë të gjatë. Ditën e ngjarjes nuk u konfliktuam fare. Mora armën që babi përdorte kur shkonte në punë si roje dhe e qëllova. Pas krimit e kam mbështjellë me një çarçaf pastaj me fasho e në fund me qese. Armën e hodha buzë detit”, ka pohuar ajo në deklarimin e saj.
