Vitin e shkuar njoha një djalë të adhurueshëm në një bar. Gjërat rrodhën shpejt dhe përfunduam në shtëpi bashkë atë natë. U takuam shpesh për disa javë, më pas ai më la duke më thënë se isha shumë e re për të. Unë jam 24, kurse ai 31 vjeç. Gjashtë muaj më vonë ai filloi të dilte me kolegen time të punës, që është komplet e shtirur, e padurueshme dhe shumë mendjelehtë (ne punojmë në një televizion). Ajo ishte me mua natën që u njoha me atë djalin. E përjetova shumë keq kur mora vesh që ishin lidhur bashkë, m`u thye zemra, megjithatë ia dola të shkoja në punë. Por gjejeni çfarë? Ata u fejuan dhe është e pamundur për mua të bëj sikur s`ka ndodhur asgjë duke e parë atë ta tregojë unazën sa herë i jepet rasti. Nuk gjej ngushëllim! Si ka mundësi që një vajzë si ajo të fejohet me të dhe një si unë, e zgjuar, argëtuese, e shoqërueshme dhe e bukur, të jetë beqare? Është e padrejtë! Si ta përballoj?
Si ta përballosh një situatë të tillë? Tre këshilla nga psikologia E. Jean:
Nuk ke për ta harruar kurrë, për sa kohë vazhdon të ushqesh urrejtje ndaj koleges. Pastaj kujtohu që qëllimi kur shkon me dikë që njeh rastësisht në një bar është që të argëtohesh për pak. Megjithatë ka disa mënyra si ta përballosh:
1. Distancohu! Bëj një hap pas dhe tregohu diskrete kur ke të bësh me atë grua. Vëzhgoje mirë veten! Tregohu kurioze dhe jo paragjykuese, kështu do të ndihesh më pak e irrituar.
2. Bëji koleges një dhuratë për fejesën. Kjo do ta ndryshojë atmosferën e çuditshme që është krijuar mes jush.
3. Mos u anko sa e padrejtë është kjo botë për shkak të vështirësive të vogla me të cilat je përballur. Ka probleme shumë më të mëdha se ky. Mundohu ta heqësh mendjen duke bërë diçka që mund të të bëjë të ndihesh mirë. Do të vijë dita kur të takosh të duhurin!
Elle
