Disa orë para se të arrestohej nga policia, Bledar Selmanaj, i dyshuar për ekzekutimin e Xhuljan Bullarit në Babicë të Vlorës, ka postuar në rrjetet sociale një foto të tij dhe madje ka njoftuar miqtë e tij se ka nisur punë si biznesmen.
Selmanaj është arrestuar në orët e para të mëngjesit të ditës së djeshme në zonën e ish-Bllokut në kryeqytet, ndërsa iu gjet edhe arma me të cilën vrau Mullarin, e groposur në oborrin e shtëpisë në Vlorë.
Ai u pikas nga kamerat e sigurisë në Vlorë pranë vendit ku u gjet viktima Xhuljano Bullari. Të dy ata kishin udhëtuar bashkë nga Tirana drejt Vlorës, ku më pas Selmanaj e ekzekutoi të riun pas konflikteve për borxhet e drogës.
Pas debatit, Selmanaj qëlloi tre herë në drejtim të 25-vjeçarit, por plumbi që e qëlloi në kokë e la të vdekur në vend.
Selmanaj rezulton një person me precedentë të mëparshëm penalë pasi ishte arrestuar edhe më parë për disa vjedhje në qytete të ndryshme të vendit.
