Andrea Bala, është banorë i Jalës në bashkinë e Himarës. Sot ai ka mbetur në rrugë me gjithë familjen. Fëmijët nuk mund të shkojnë në shkollë. Fadromat e IKMT-së po shembin banesën e tij dhe të vëllezërve.
“Po na prishin shtëpitë. Jemi 7 vëllezër që kemi mbetur ne qiell të hapur me gra e fëmijë”, tha Andrea Bala në një bisedë telefonike me Opinion.al.
Më tej ai sqaron: “Kemi shtëpinë e vjetër të banimit, me dokumente të rregullta ligjore, me hipotekë të vitit 1992 dhe të rifreskuar në 2007. Banesa e vjetër është në emër të babait. Po kështu gjatë këtyre viteve kemi ndërtuar objekte të tjera, dhe kemi aplikuar pranë ALUIZNI-t për ti legaluzuar. Në gusht të 2018 ka ardhur vendimi i ALUIZNI-t për skualifikim. Kjo në bazë të një shkrese nga Ministria e Mbrojtjes se objekte janë të terrotorin e SHPU-së (pretendimi i tyre). Pra pronën tonë ata duan tia bashkangjisin SHPU-së. Kanë gjetur një justifikim që të na rrëmbejnë pronën. Janë interesa private se ketu s’ka plan zhvillimi. Ne shtëpinë e vjetër dhe pronën (tokën) e kemi me dokumente zyrtare”.
Pronari i objektit që po shembet, Andrea Bala thotë me tej se sapo janë njoftuar nga ALUIZNI për moslegalizmin e objekteve kanë bërë padi në Gjykatë. “Shteti nuk priti të bëhej gjyqi por erdhi na futi fadromat. E faktojmë në çdo mënyrë se jemi në pronën tonë. Shteti po bën vetëgjyqësi me ne. Po na grabit pronën”.
Ai ka këtë apel drejtuar Avokatit të Popullit, Presidentit, Kryeministrit, etj.
“Jemi shtatë familje, mbi 20 persona që kemi dalë në rrugë të madhe. Ju lutemi shumë! Nuk kemi me çfarë të ushqehemi dhe as kemi shtëpi mbi krye. Fëmijët janë pa shkolllë”, thotë mes lotësh e përgjërimesh Andrea Bala, të cilit po i shembet shtëpia, ndërsa më pas fadromat do i drejtohen dhe objekteve të tjera ku jetojnë vëllezërit e tij.
Objektet që po shemben janë 2-3 kate të cilat familja Bala i perdorte per banim dhe biznes (dyqane).
/r.d.Opinion.al
Lexo edhe:
Video/”S’jemi kriminelë”, shemben mes ulërimave ndërtesat në Jalë
