Aktualitet

Jahti i braktisur, flet gruaja e kapitenit të humbur: Vajza pyet për të…


               Publikuar në : 16:32 - 11/09/19 |
Opi Nion

Pak ditë më parë në ujërat ndërkombëtare të Detit Adriatik, u gjet një jaht i braktisur, brenda të cilit ndodheshin vetëm disa dokumente të kapitenit Sezgin Yavuz, i cili ende nuk është gjetur nga autoritetet. Jahti luksoz u gjet 12 milje larg bregdetit të Shëngjinit, ndërsa nuk dihet fati i kapitenit 31-vjeçar, Sezgin Yavuz.

Gati një javë më parë, Yavuz çoi në Shqipëri pronarin e jahtit, Nedim Akyüz, ndërsa më pas u nis për në Greqi. Jahti u gjet i ndezur nga ana e peshkatarëve, ndërsa më pas filloi hetim pas mungesës së kapitenit Yavuz, për të cilin policia fillimisht dyshoi se ishte pronari i mjetit lundrues.

Ndërkohë, bashkëshortja e kapitenit, Vesile Yavuz, e cila banon në qytetin Fethiye në provincën perëndimore turke Muğla, është shprehur për gazetarët se Sezgin Yavuz kishte dy muaj që ndodhej jashtë Turqisë. Sipas saj, kapiteni vetëm para një jave kishte vendosur që të kthehej në Truqi.

Vesile Yavuz, e cila është tre muaj e gjysmë shtatzënë, rrëfeu se më 4 shtator ai i kishte telefonuar për t’i treguar se do të kthehej në Turqi dhe se mund t’i telefononte sërish pas dy ditësh.

“Nuk më telefonoi më. Të shtunën u gjet mjeti lundrues. Mjeti është gjetur në gjendje aktive, por bashkëshorti im nuk ka qenë brenda. Ende nuk është gjetur. Kërkoj ndihmë nga zyrtarët tanë të lartë të shtetit. Dua që i shoqi im të kthehet. Bija ime pyet për babain e saj dhe unë nuk mund t’i them asgjë”, shtoi Vesile Yavuz./ Opinion.al E.Xh.

Pas