Atifete Jahjaga: Ne duhet ta kthejmë besimin e qytetarëve tonë në sistemin e drejtësisë, duke bërë reforma dhe dume mos u ndikuar nga asnjë forcë politike.
Institucionet e drejtësisë në Kosovë duhet të bëjnë reforma që të mund ta fitojnë besimin e qytetarëve, ka thënë Presidentja e Kosovës Atifete Jahjaga, njofton Klan Kosova.
Ajo duke folur në konferencën vjetore të Gjyqësorit tha se Kosova duhet të jetë një shtet që dominohet nga fuqia e ligjit.
“Qytetarët tanë kërkojnë më shumë nga ne, ata kërkojnë një drejtësi të pa kompromis ndaj krimit të organizuar dhe institucioneve”.
“Ne duhet ta kthejmë besimin e qytetarëve tonë në sistemin e drejtësisë, duke bërë reforma dhe dume mos u ndikuar nga asnjë forcë politike. Kemi forcë të luftojmë korrupsionin, sepse askush nuk duhet të jetë mbi ligjin“, ka thënë ajo.
Jahjaga ka folur edhe për luftën ndaj terrorizimit. Ajo tha se përkundër arrestimeve të fundit, kjo luftë nuk përfundon këtu dhe se organet kompetente duhet të jenë gjatë gjithë kohës shumë vigjilente.
