Është e vështirë të mendohet që artistët mund t’i urrejnë këngët e tyre, sidomos kur mendon se sa shumë kohë dhe para investojnë për t’i publikuar ato. Megjithatë disa artistë jo vetëm që i urrejnë këngët, por nuk e kanë problem edhe ta pranojnë këtë gjë.
Lady Gaga – Telephone
Nga të gjitha këngët e saj, Gaga urren pikërisht këngën që ka në bashkëpunim me divën Beyonce! “E urrej Telephone. Është kënga që e kam më të vështirë ta dëgjoj. Nuk mundem madje ta shoh as videon, e urrej shumë. Beyonce dhe unë jemi shumë mirë bashkë por ajo video është aq e ndërlikuar sa më plas trurin e do doja ta editoja veten.” Kështu është shprehur Lady Gaga për këngën dhe videoklipin e ‘Telephone’. Gjëja më e çuditshme është fakti që videoja është komplet në stilin e Gagës, e me këtë rregull i bie të urrejë edhe shumë këngë të tjera të sajat.
Mandy Moore – Candy
Kur flet për fillimet e karrierës së saj dhe sa shumë dëshirë kishte të bëhëj si Britney Spears, Mandy Moore thotë se i vjen shumë turp nga vetja, sidomos për hitin ‘Candy’. Jo vetëm që e konsideron këtë këngë të tmerrshme, por ajo shkon më tej dukë thënë: “Nëse do të kasha para mjaftueshëm do t’i rimbulësoja të gjithë ata që kanë blerë dy albumet e mia të para.”
Katy Perry – I Kissed a Girl
Katy Perry nuk e urren hitin e vitit 2008, por thotë se nëse do të kishte mundësi, do ta shkruante ndryshe. “Kam ndryshuar shumë këto 10 vite. Biseksualiteti nuk ishte edhe aq i diskutueshëm atëherë. Nëse do të kisha mundësi do shtoja nja dy stereotype në tekst,” tha Perry në një intervistë.
Lorde – Royals
‘Royals’ është padyshim hiti që e bëri Lorde të famshme. Por kur një këngë popullarizohet kaq shumë, njerëzit fillojnë të publikojnë edhe versionet e tyre të këngës. Si për ironi, ishin pikërisht këto versione që e bënë Lorde-n ta urrejë thellësisht këngën që e bëri kaq të famshme. “Janë të tmerrshme! Asnjë nga meloditë që dëgjoj nuk i afrohet versionit original. Të gjitha ngjajnë si zile të një celuari NOKIA të vitit 2006. Kur unë e lançova këngën tingëllonte mirë. Tani ma neverit,” është shprehur këngëtarja.
Madonna – Like a Virgin
“Nuk besoj se do ta këndoj më ndonjëherë në jetë ‘Like a Virgin. Vetëm nëse më paguajnë 30 milion dollarë.’” Madonna nuk e shpjegon pse por mendohet të ketë të bëjë me fjalën ‘virgjëreshë’.
Miley Cyrus – Party In The USA
Miley e urren këtë këngë në pikën sa kur ishte në një pub, i tha DJ që të mos e luante këngën. “Nëse vetja ime 13 vjeç do ta takonte veten time 17 vjeç, do ta rrihte paq dhe do të thoshte: “Je shumë komerciale”.” Fatmirësisht Miley i ka kaluar të gjitha fazat dhe është maturuar, por kjo e ka bërë që t’i urrejë pak a shumë të gjitha këngët e saj./Opinion.al
