Si në çdo kohë edhe në ditët e sotme, të kujdesurit për pamjen fizike përbën një “aksesor ” të rëndësishëm në kulturën e çdokujt. Ata që përfliten më shumti për bukurinë janë padyshim personazhet e njohur publikë, të cilët ndiqen edhe në rrjetet sociale. Nga ana tjetër, shumë prej tyre kanë vendosur që imazhin t’ja lënë në dorë klinikave të specializuara e madje edhe bisturisë estetike. Nëse një pjesë e tyre përpiqen ta mbajnë të fshehur këtë fakt, të tjerë e pranojnë pas asnjë hezitim.
Rozana Radi është një nga personazhet e njohur e cila e pranoi hapur dhe publikisht operacionin e zmadhimit të gjoksit. Pas kësaj ndërhyrjeje, në skena dhe ekran, dekolteja e Rozit ka qenë vërtet një element që binte në sy.
Emri më i lakuar në show bizin shqiptar pas vitit 2000 ishte edhe Çiljeta Xhilaga. Gjoksi i saj ka qenë shpesh i aluduar për një ndërhyrje estetike derisa Çiljeta ka pranuar publikisht në Opinion, se do të ndërhyjë në zvogëlimin e gjoksit. Ajo ka treguar se këtë ndërhyrje do ta bëjë pranë klinikës KEIT, ku mësohet se ka kryer edhe operacionin e barkut, pas lindjes së Fernandos.
Në të njëjtën klinikë, mësohet të ketë ardhur në formë edhe Ingrit Gjoni, e cila e ka pranuar këtë fakt në një intervistë të disa kohëve më parë.
Edhe në botë, personazhe të njohur të show bizit, kanë pohuar se u janë nënshtruar ndërhyrjeve estetike, që kanë përmirësuar imazhin e tyre. Kështu p.sh, Cameron Diaz, ka pranuar ndërhyrjen në hundë, ndërsa Britney Spears zmadhimin e buzëve.
Pamela Anderson nuk e fsheh suksesin e bisturisë në gjoksin e saj te bollshem, ndërsa Silvester Stalone ka pranuar ndërhyrjen për arsye të një asimetrie në fytyrë.
