Pas bërjes publike nga Derjtoria e Tatimeve se edhe bizneset e vogla që nga 1 janari i vitit 2018 do të paguajnë taksën e TVSH-së, taksë të cilën e paguanin më parë biznese më xhiro deri në 50 milionë lekë të vjetra në vit, ka reaguar edhe kryeministri Rama.
Dy vite më parë qeveria Rama ka zeruar taksa për biznesin e vogël, por kjo nuk zgjati shumë pasi nga janari i vitit qe vjen të gjithë bizneset do të paguajnë taksën e TVSH.
Këtë ka bërë publike kryeministri Rama edhe mëngjesin e sotme, nëpërmjet një statusi në Facebook, Rama shkruan se qeveria e tij mbron njerëzit e zakonshëm, për t’i dhënë fund mashtrimit me lekët e popullit.
“Opozita front në mbrojtje të INFORMALITETIT e mbrojmë njerëzit e zakonshëm. Asnjë biznes pa TVSH = FUND mashtrimit me lekët e popullit,” shkruan Rama.
Kjo do të pasohet sipas ekspertëve të ekonomisë me rritje të cmimeve. Ata pohojnë se nëse skema e TVSH-së jetësohet, do të kemi një rritje masive të çmimeve. Çmimet do të rritet 20 për qind automatikisht për shërbimet dhe më pak për produktet, të cilat në hallkën e fundit të zinxhirit do të paguajnë vetëm diferencën e çmimit. Por kostoja do të paguhet e gjitha nga konsumatorët, pasi faturimi në TVSH në pakicë do të transferohet në çmime. /Opinion.al
Venimi ne 2015
