TIRANË- Duke analizuar se si ka ndryshuar tregu i naftës këto vitet e fundit mbi bazë e deklarimeve që vetë kompanitë kanë bërë në QKR dalin fakte mjaft interesante, siç është ky i Ardian Xhillarit. Emri i tij u bë i njohur në publik për shkak se policia e shpalli në kërkim për skandalin e naftës Virxhin. Ky biznesmen, pronar i kompanisë “Tea Construction & Petrol”dyshohet se ka hedhur në treg mijëra ton naftë të papërpunuar duke shkaktuar dëm të madh automjeteve e mjedisit. Sakaq miliona euro taksa nuk janë derdhur në arkën e shtetit. Për këtë 7 doganierë janë në hetim, ndësa biznesmeni është zhdukur pa gjurmë, ashtu siç hodhi pa lënë gjurmë naftën virxhin në treg.
Por nafta virxhin nuk është sot në fokus. Do të ndalemi tek shifrat, tek deklarimet e të ardhurave për të mësuar më shumë për “Tea Construction & Petrol”. Që zanafillën e ka pasur si firmë ndërtimi por më pas u shndërrua në një nga kompanitë kryesore të naftës.
Shohim se kompania e krijuar në vitin 2006 ka patur një bilanc negativ madje në vitin 2012 ajo e ka mbyllur me humbje (3.4 mln lekë ka qenë humbja neto e kompanisë) duke rrezikua falimentin.
Por çndodh një vit më pas, në 2013, kohë kur ndryshoi edhe qeveria?
Nga ekstrakti i QKR që i bashkangjitet këtij lajmi vërejmë se në vitin 2013 kompania e Xhillarit e rriti fitimin neto në vlerën e 5.9 mln lekëve. Xhiro e saj vjetore për vitin 2013 llogaritet në 8.7 miliardë lekë. Ndërsa në vitin 2014 ajo ka një xhiro pak më të ulët se sa viti 2013. Kompania në fjalë ka blerë markat Alpet dhe Cyclon. Për këto karburante ka pasur edhe ankesa nga konsumatorët. Aty dyshohet të jetë tregtuar edhe nafta e papërpunuar virxhin. (kjo po hetohet)
Por si renditet kjo kompani mes 100 të tjerave që janë në treg?
Në vitin 2013 Tea Construction and Petrol kaloi nga vendi i 68 ku ishte në vendin e 27. Gjithashtu, të dhënat nga bilancet historike të kompanisë dëshmojnë se përgjithësisht xhiro vjetore e kompanisë ka qenë tek 2 mld lekë, xhiro që pësoi një kapërcim të madh në vitin 2013.EkstraktHistorik TEA CONSTRUCTION & PETROL
