Gratë shtëpiake e kanë të vështirë të gjejnë mundësitë për aktivitet fizik jashtë shtëpisë. Ndaj edhe shpesh ankohen për kilet e tepërta. Por gjithmonë ka një zgjidhje.
Këto këshilla ju orientojnë se si mund të arrini në kushte shtëpie që të shmangni kilet e tepërta:
Ngrihuni herët dhe para se të largoheni nga shtrati bëni mbi të ushtrime streching (tërheqje) të lehta për të rritur gjallërimin fizik e mendor.
Para se të hani mëngjesin, bëni 30 minuta ushtrime mbi tapet , jo mbi shtrat, kolltuk apo divan, sepse ata janë shumë elastike apo të butë, gjë që pengon ushtrimet.
Pas ushtrimeve bëni një dush me ujë të vakët e më pas të ftohtë për të aktivizuar qarkullimin e gjakut dhe rritur elasticitetin e lëkurës
Pas dushit kryeni një meditim për 10 minuta duke u mbushur thellë me frymë, gjatë këtij moment përpiquni të përqëndroheni në temën e ditës që dëshironi të realizoni.
Më pas hani një mëngjes të lehtë duke u përqëndruar në ushqim e jo ne tv apo lexim gazete, kusht për asimilimin e ushqimit dhe me pas pini një kafe.
Uluni në tryezë të uritura e ngrihuni të pangopura. Ushqimin ditor konsumojeni jo në 3 por në 5 vakte, për të rënë në peshë apo për të penguar mbipeshën.
Mos bini të flini pa ngrënë darkë, pasi është e gabuar nëse mendoni se evitimi I darkës mund tju ndihmojë të bini nga pesha.
