Njerëzit mundohen që çdo ditë të jetës të ruajnë ekuilibrat ndërmjet sfidave që përballin dhe emocioneve, ndienjave. Për pothuajse të gjithë, lumturia dhe qetësia shpirtërore është parësore dhe për të dyja këto luftohet fort.
Sipas neuroshkencës, tendenca për tu ankuar ndikon negativisht dhe pengon aftësinë në tru për të gjetur zgjidhje për problemet.
Personat e pakënaqur, emisionet, lajmet alarmuese mund të përkeqësojnë problemet e ankthit dhe të krijojnë një gjendje alarmi të vazhdueshëm.
Në këtë mënyrë zbehet aftësia jonë për të reaguar ndaj çështjeve të ndryshme me pesimizëm. Por ja disa këshilla që të ndryshojmë këndvështrimin e jetës.
Çfarë lexon?
Zgjidh me kujdes burimet e informacionit. Mos u fokusoni vetëm në një burim dhe mundohuni të gjeni diçka ndryshe. Shihni agjenci të huaja, kanale të huaja televizive, që veç të tjerash të ndihmon të zhvillosh dhe aftësitë gjuhësore.
Në punë
Keni të bëni me një shef apo një koleg që shqetësohet shumë? Mundohuni të përcillni besim të tjetri, pa rënë viktimë e shqetësimeve të tjetrit. Përqëndrohu, mundohu të jesh profesionist i besueshëm dhe i qetë.
Miqtë
Kini kurajoni të zgjidhni miqtë që dëshironi vërtetë në jetë. Mundohuni të rrethoheni nga personalitete pozitive. Ata që vetëm ankohen, përkëdhelen dhe përqëndrohen në ngjarje negative, të japin një peshë të rëndë mbi supe dhe një humor të keq. Mësohuni të shihni me gëzim sukseset e të tjerëve.
