Ministrja e Kulturës, Mirela Kumbaro, shkel ligjin duke paguar punonjës të Ministrisë që ajo drejton, që prej muajsh ndodhen jashtë vendit.
Burime të sigurta brenda Ministrisë që drejton Zonja Kumbaro, pohojnë faktin se punonjës të Ministrisë së Kulturës, të cilët prej muajsh nuk shkojnë më në punë, madje janë jashtë vendit, paguhen njësoj si gjithë të tjerët të cilët shkojnë çdo ditë.
Më flagrant është rasti i një zonje, specialistë në një prej sektorët e kësaj Ministrie, e cila prej disa muajsh ndodhet me bashkëshortin të emëruar së fundmi diplomat në një kryeqytet të Europës dhe, edhe pse nuk ka shkuar asnjë ditë në punë në Ministri, paga i ka vazhduar t’i derdhet në llogarinë e saj.
Një rast i pastër korruptiv dhe shpërdorimi detyre nga ana e Ministrës së Kulturës, që në shkelje të plotë të ligjit mban në punë dhe paguan një person qe jo vetëm nuk shkon në punë si gjithë të tjerët, që u shihet edhe orari, por madje nuk ndodhet as brenda territorit të vendit.
Dhe për këtë mjafton të kontrollohet sistemi TIMS i Policisë së Kufirit.
Vetëm pak kohë më parë, ish – Kreu i Gardës së Republikës Ndrea Prendi, u akuzua dhe u dërgua në gjyq se paguante një vartëse të tij, pa qenë asnjë në ditë në punë, madje edhe ajo duke qenë jashtë vendit.
Por nëse Prendi dërgohej në gjykatë për shpërdorim detyre, për Ministren Kumbaro nuk bëhet e njëjta gjë.
Ajo vazhdon të qëndrojë në krye të detyrës, ashtu si zonja tjetër vazhdon të paguhet, edhe pse nuk shkon asnjë ditë në punë, duke qenë jashtë vendit.
Nuk dihet nëse për rastin në fjalë, organi i akuzës do të nisë një hetim, por për momentin në Ministrinë e Kulturës nuk ka rëndësi nëse shkon në punë për të marrë pagën në fund të muajit. E rëndësishme është që po të dojë Ministrja edhe të paguan pavarësisht se je në mes të Europës.
