Bukuria ideale si çdo gjë tjetër në kulturën pop është një trend. Revistat e modës çdo vit nxjerrin një listë me femrat më të bukura, ku disa prej tyre janë aty prej vitesh e disa hyjnë për herë të parë. Megjithatë, silueta e femrës perfekte ndryshon çdo vit. Në botën e modës, një ditë je e pëlqyer dhe ditën tjetër jo, sidoqoftë ajo gjithmonë kthehet.
1910
Në vitin 1910 ilustatori Charles Gibson vuri standartin e femrës ideale. Çdo vajzë kishte flokë të fryra dhe një trup në formën e numrit 8: me gjoks dhe vithe shumë të mëdhaja dhe bel fare të vogël falë korseve. Camille Clifford ishte përfaqësimi tipik i asaj kohe, megjithatë ajo ishte kritike ndaj këtij ideali.
1920
Dekada pasardhëse nuk ruajti asnjë element të asaj çka quhej femra ideale. Format e ekzagjeruara të viteve 1910 u zëvendëuan nga një gjoks i sheshtë e ije të ngushta. Në vitet e Gatsby-t të Madhërishëm këmbët ishin tipari më seksi, ndaj femrat kujdeseshin që t’i ekspozonin gjithmonë. U lanë pas flokët e fryra dhe tashmë preferoheshin të shkurtra. Margaret Gorman, e shppallur Miss Amerika e vitit 1921 ishte idealja e kohës.
1930
Në vitet ’30 hynë në modë shpatullat e gjera, gjoksi normal dhe beli i hollë gjithmonë brenda natyralitetit. Media konsideronte të bukur një trup të palestruar dhe me forma krahasimisht me vajzat e viteve ’20. Aktorja Dolores del Rio u konsiderua si femra më e bukur në Hollywood e asaj kohe.
1940
Gjatë kohës së Luftës së Dytë Botërore meshkujt shkuan në luftë dhe femrat u detyruan të merrnin disa nga profesionet e tyre. Për këtë arsye ato duhet të ishin të forta fizikisht, më krahë të stërvitur e me shpatulla të gjera. Femra e bukur e viteve ’40 ishte një variant pak më mashkullor se ai i viteve ’30. Megjithatë nuk duhet të gënjehemi nga posteri i Punëtores Rosie. Ikona e vërtetë e bukurisë së asaj kohe ishte Ava Gardner.
1950
Në vitet pasardhëse pati një rikthim të bujshëm të formave të ekzagjeruara. Në vitet ’50, trupi në formën e orës së rërës ishte ideali. Përmasat ideale ishin ato të Jessica Rabbit. Reklamat e asaj kohe këshillonin femrat elegante të merrnin suplemente për të shtuar peshë. Në këtë kohë u krijuan revista Playboy dhe kukulla Barbie të cilat lartësonin figurën e femrës me gjinj të mëdhenj gje bel të vogël. Marilyn Monroe ishte diva e viteve ’50.
1960
Njësoj siç ndodhi në vitet ’20, format e bëshme papritur dolën jashtë mode dhe u rikthyen gjymtyrët e hollë dhe elegant. Modelet Twiggy dhe Edie Sedgwick ishin përfaqësimi ideal i viteve ‘60 me fytyrë kukulle, sy të mëdhenj, pamje vajzërore dhe një model flokësh mashkullor. Fustanet e derdhura zëvendësuan ato të ngushtit që nxirrnin format në pah, dhe peneli i dyfishtë la pas buzët e kuqe.
1970
Vitet ’70 ishin vitet e diskotekave. Eleganca ishte ende në modë, por megjithatë fillojnë kthehen format. Jane Birkin konsiderohej si një nga femrat më të bukura të asaj kohe, në nder të së cilës brand-i luksoz Hermes i vuri edhe emrin çantës.
1980
Dekada e viteve ’80 u konsiderua epoka e supermodeleve. Vajzat më të bukura ishin ato me këmbë kilometrike dhe trup të tonifikuar. Naomi Campbell dhe Linda Evangelista pushtuan të gjitha pasarelat, videoklipet dhe median në përgjithësi. Vitet ’80 u njohën gjithashtu si epoka e fitnesit. Për herë të parë muskujt u panë të pranueshme e madje të dëshirueshme te femrat.
1990
Vitet ’90 ishin vitet kur droga përdorej masivisht mes të rinjve ndaj edhe femra ideale ishte një përdoruese heroine. E hollë, me sy të nxirë dhe flokë të shkujdesur, kështu shiheshin vajzat e bukura në vitet ’90. Megjithatë dekada përmbyllëse e shekullit 20 lartësoi edhe figura të tjera si Madonna, Kate Moss dhe Winona Ryder.
2000
Në fillim të shekullit supermodelja Giselle Bundchen caktoi standartet e reja të bukurisë, duke lënë pas përdorueset e heroinës. Lëkura e nxirë dhe muskujt e barkut ishin elementët më të bukur të femrave. Bundchen u kurorëzua si femra më e bukur në fillim të viteve 2000 duke dominuar pasarelat, posterat, reklamat e Victoria’s Secret, madje edhe Leonardo di Caprion në tapetin e kuq.
2010
Në ditët e sotme nuk është e vështirë të kuptohet që një femër e bukur konsiderohet ajo që ka të pasme të mëdha. Nicki Minaj dhe Kim Kardashian e sollën këtë trend duke i detyruar vajzat të rrisin të pasmet me çdo kusht; qofshin këto operacione, palestër apo mbathje push up./ Përgatiti: Elena Lika
