Tashmë ka kaluar një javë që kur Conor McGregor humbi nga Khabib Nurmagomedov në UFC 229. Kjo ndeshje vazhdon të komentohet për përleshjen masive që ndodhi pas përballjes, por jo vetëm.
Nata e UFC 229 arriti rekord në PPV, irlandezi përveç çekut të garantuar nga UFC në vlerë 2.5 milionë euro, pritet të arkëtojë edhe 43 milionë tjera nga PPV.
Por, e ardhmja e tij mbetet e paqartë, ndërsa më poshtë do të njihni me veprimtaritë e tij që nga përballja më e madhe në historinë e UFC-së:
E djelë: McGregor e humbi përballjen me Khabib duke u dorëzuar në raundin e katër. Por, kjo është vetëm gjysma e historisë, irlandezi pas kësaj u sulmua nga Zubaira Tukhugov dhe Islam Makhachev brenda kafazit.
Këto skena filluan pasi kampioni nga Rusia kaloi kafazin dhe filloi përleshjen me trajnerin e McGregorit, Dillon Danis. Në fund McGregor refuzoi të ngrejë padi ndaj dy personave të skuadrës së Khabib.
McGregor edhe pse u mund nga Khabib, kërkoi ndeshje tjetër me kampionin.
• E hënë: McGregor poston fotografinë e parë në rrjetet sociale pas përleshjes me Khabib, vihet re syri i nxirë.
• E martë: McGregor pezullohet nga UFC që të mjekohet për një muaj dhe nuk i lejohet asnjë ndeshje apo stërvitje deri më 28 tetor.
• E mërkurë: McGregor njoftohet se në nëntor do të ketë dëgjimin final lidhur me akuzat disiplinore nga Komisioni Atletik i Nevadas.
• E enjte: McGregor parakalohet nga Khabib në renditjen e përgjithshme P4P në UFC, rusi ngjitet në vendin e dytë, kurse Conor bie në vendin e tetë.
Ndërsa lajmi i mirë është se UFC 229 ka thyer rekord në PPV, dhe kështu irlandezi pritet të marrë rreth 43 milionë euro fitime.
• E premte: Shpresat për një ndeshje të dytë me Khabib zbehen pasi rusi kërcënon UFC-në me largim nëse ata përjashtojnë shokun e tij, Zubaira Tukhugov.
