Protesta e opozitës në Shqipëri ka marrë vëmendjen edhe të mediave prestigjoze ndërkombëtare si AFP, Associated Press dhe Uashington Post.
Ato e vënë theksin tek kauza e kësaj proteste, përmes të cilës opozita kërkon që qeveria të garantojë zgjedhje të lira dhe të ndershme.
Lulzim Basha udhëhoqi të shtunën disa mijëra protestues në manifestimin kundër qeverisë së majtë të kryeministrit Edi Rama, të cilin opozita e akuzon për manipulim të zgjedhjeve – shkruan AFP.
Ndërsa Uashington Post nuk lë pa përmendur faktin që mbarëvajtja e zgjedhjeve të 18 qershorit është kusht për hapjen e negociatave të antarësimit të Shqipërisë në Bashkimin Europian.
Por qeveria justifikohet me faktin se nuk ka kohë për votim elektronik, që është edhe kushti kryesor që opozita të njohë zgjedhjet.
