Ja si duhet ta përdorini lapsin e buzëve

Lapsi i buzës është shumë i rëndësishëm për buzëkuqin, por ai përdoret më së shumti në këto raste:
1. Nëse keni buzë të holla apo pa formë. Duke i theksuar buzët me laps që është një nuance më e errët se ngjyra natyrale e buzëve tuaj, i bën ato të duken më të plota dhe të formësuara.
2. Nëse buzëkuqi juaj ka fund shkëlqyes apo posedon formulë hidratuese. Buzëkuqët me shkëlqim dhe hidratim kanë më shumë gjasa të lëshojnë ngjyrë apo të rrjedhin se sa buzëkuqët mat. Që të anashkaloni këtë problem dhe ta mbani ngjyrën në buzë, makeup artisti Troy Surratt rekomandon përdorimin e lapsit natyral ngjyrë rozë për kufizimin e buzëve tuaja, dhe më pas të aplikoni pudër në buzë e fare në fund buzëkuqin.
3. Nëse dëshironi që buzëkuqi juaj të zgjasë tërë natën. Për sigurim shtesë kundër venitjes apo zbehjes së buzëve gjatë ndonjë ahengu apo mbrëmje, plotësoni tërë buzët me laps e jo vetëm ti kufizoni skajet, e më pas aplikoni buzëkuqin. Dendësia e lëmuar vepron si mbajtës i ngjyrës së buzëkuqit.
4. Në vend të buzëkuqit. Lapsat për buzë janë si zëvendësim i buzëkuqit mat. Zgjidhni laps më të trashë me maje të butë si dhe përdorni një brushë për ta përzier atë.