Muaji prill do të na gjejë me mot kryesisht të kthjellët dhe të ngrohtë, ndonëse të dielën do të ketë shtim të vranësirave dhe shira lokalë.
Të shtunën, zonat bregdetare do të dominohen nga kthjellime dhe vranësira kalimtare do të ketë në zonat malore. Pasditja vijon në të njëjtat kushte të motit, duke bërë që territori të dominohet nga moti kryesisht i kthjellët.
Gjatë ditës së diel, moti do të vijojë me kthjellime dhe vranësira të lehta në jug e qendër, ndërsa vranësira të dukshme do të ketë në veri të vendit. Pasditja dhe orët në vijim do të sjellin shtim të vranësirave në të gjithë territorin, duke gjeneruar shira të dobët e afatshkurtër, në zonat veriore.
Temperaturat e ajrit do pësojnë rënie të shtunën, ndërsa e diela do të ruajë vlera të pandryshuara të temperaturave.
Era do të fryjë mesatare, me shpejtësi 30 km/h nga drejtimi jugperëndimor, duke gjeneruar në det dallgëzim 2 – 3 ballë.
