UEFA ka miratuar buxhetin e ri në kongresin e mbajtur ditën e sotme në Sllovaki për kompeticionet si dhe projektet e ndryshme të futbollit që do të mbahen në Evropë.
Përfitimet për kombëtaret që do të kualifikohen në ‘Euro 2020’ do të jetë më i madh se në ‘Euro 2016’.
Kombëtaret që do të marrin pjesë do të përfitojnë 9.5 milionë euro. Fitorja në fazën e grupeve do të shpërblehet me 1.5 milionë dhe barazimi me 750 mijë euro.
Në fazën me eleminim direkt, në fazën e 1/8 skuadrat do të përfitojnë 2 milionë euro, në çerekfinale 3.5 milionë euro dhe në gjysmëfinale 5 milionë euro.
Skuadra fituese e evropianit do të përfitojë 10 milionë euro, ndersa ekipi nënkampion do të përfitojë 7 milionë.
Ndërkohë UEFA ka miratuar edhe një fond prej 14.1 milionë eurosh për 4 vite, për projektin ‘Hattrick’ i cili ka për qëllim të nxisë investimet për futbollin vendas për çdo federate, ku në total për këtë program do të investohen 775 milionë euro.
