Ditën e djeshme aktorja e njohur Priyanka Chopra dhe aktori e këngëtari Nick Jonas kurorëzuan dashurinë në martesë. Çifti organizoi një ceremoni me tradita indiane për të respektuar kështu, origjinën e Priyankës. Sigurisht që në dasmë ishin ndërthurur edhe pjesë të kulturës së festës amerikane. Këngëtari i Jonas Brothers, Nick, ka ndarë me ndjekësit në rrjetet sociale fotot e para të dasmës. Më pas edhe Priyanka ka bërë të njëjtën gjë.
Këngëtari shkroi se lidhja e tyre është e veçantë, dhe akoma më të veçantë e bën fakti që familjet respektojnë besimin dhe kulturën e njëri-tjetrit.
Dasma madhështore e çiftit mori vëmendjen e mediave të huaja, të cilët filluan të hulumtonin mbi ceremoninë. Sipas tyre, për organizimet e të gjithë javës çifti ka shpenzuar 500 mijë dollarë.
Këngëtari 26 vjeçar dhe aktorja 36 vjeçare zgjodhën një nga hotelet më të shtrenjta për të festuar. Një natë në hotel kushton 92 mijë dollarë, ndërsa një pjatë fillon nga 86 dollarë. Sipas The Economic Times, vetëm ceremonia para martesës ka kapur shifrën 61 mijë dollarë.
