Termeti i vitit 2010 në Haiti vuri në provë ndjeshmërinë e botës. Më shumë se 220 milionë dollarë iu dhuruan këtij vendi përmes organizatave bamirëse. Një pjesë e madhe e kësaj shume erdhi falë sensibilizimit në rrjetet sociale si Facebook e Twitter.
Sipas revistës “Forbes” kompania “Kroger” është më bujarja në gjithë Amerikën. Në vitin 2007, ky zinxhir supermarketesh dhuroi 1.7 përqind të të ardhurave të veta për bamirësi. Përqindja përkthehej në 57 milionë dollarë. Paratë shkuan për ushqim të shtresave në nevojë dhe mbështetjen e të rinjve.
Bill Gates u shndërrua në një personazh të çuditshëm kur deklaroi se do ti jepte të gjitha paratë e tij, plot 58 bilion dollarë për bamirësi, në vend që t’ia trashëgonte fëmijëve. Me atë shumë parash, Fondacioni “Bill dhe Melinda Gates” ka punuar për të shpëtuar botën, mbrojtur kauza të shëndetit si gjetja e një vaksine për malarjen.
DHURIMi I VILAVE PËR TË MOSHUARIT
Në 2007, Genshiro Kawamoto, një manjat i vërtetë i pasurive të paluajtshme dhe një nga meshkujt më të pasur të Japonisë, vendosi t’i dhuroje 8 vila që kishte ndërtuar në Hawai, familjeve të pastreha në nevojë.
Kënga “No women No cry”, e Bob Marley është e ndjerë dhe e vërtetë, por askujt nuk ia merrte mendja se Bob do të bënte një konsensus me mikun tij muzikant Vincent Ford lidhur me të. Ndonëse Bobi e shkroi vetë atë këngë, ai pranoi ta shiste në publik si kompozim të Vincentit, por me kusht që ai ti huazonte disa para për të ngritur nje mencë për njerëzit e varfër.
Ai bëri të njejtin kompromis me miq të tjerë që e ndihmuan të realizonin qëllime bamirësie.
Ti dhurosh veshkën një të huaji
Nuk mund të ketë shenjë më të madhe bujarie se sa ti dhurosh veshkën një njeriu të dashur, por më shumë akoma një personi që nuk e njeh. Në vitin 2007, Matthew Jones, një mashkull nga Miçigani, dhuroi veshkën e tij për një grua nga Foenix të cilën nuk e kishte takuar kurrë në jetë. Ai frymëzoi edhe 10 meshkuj të tjerë qe dhuruan veshken po atë vit, ndërsa sot është kthyer në trend.
Yjet e showbizit konsiderohen personazhe që kryejnë shpesh bamirësi. Angelina Jolie dhuron 1 të tretën e rrogës së saj për bamirësi dhe aktualisht shërben si Ambasadorë e Paqes për Kombet e Bashkuara. Justin Timberlake kadhuruar gjithashtu 10 milion dollarë për spitalet e fëmijëve. George Clooney dhuroi 1 milion dollarë për të dëmtuarit e tërmetit në Haiti.
