Policia e Tiranës arrestoi gjatë ditës së sotme një vajzë 24 vjeçe dhe një djalë dy vjet më i madh pasi ishin kthyer në makthin e qytetarëve që disponojnë një automjet.
Matilda Mertini (Sulaj) lindur në Mat dhe Deivis Muka, 26 vjeç, të dy banues në Kamëz sipas policisë vidhnin makina me anë të një pulti “çudibërës”.
Martini dhe Muka kryenin vjedhje me anë të një pulti i cili bllokon mbylljen e mjetit nga ana e përdoruesit duke bërë të mundur hapjen e mjeteve pa thyerje.
Këta dy të rinj, 5 ditë më parë kanë vjedhur në një qendër tregtare në periferi të Tiranës në mjetin tip Benz me targë AA898 KR në pronësi të shtetasit L. Luzi (pa thyerje në mjet) katër parfume të markave të ndryshme, një palë syze të markës Rayban me vlerë 260 euro si dhe një orë rolex të cilat i ka patur në kroskotin e mjetit./ Panorama.al
