Ka qenë një vit i vështirë ky për femrat në Hollywood. Shumë aktore dhe producentë janë bashkuar dhe kanë kurajuar njëra-tjetrën që të tregojnë historitë e tyre të ngacmimeve dhe sulmeve seksuale në industri. Këtë lëvizje gratë e Hollywood-it duket se do ta marrin me vete edhe në 2018.
Disa nga pjesëmarrëset kanë deklaruar se do të vishen me të zeza në Golden Globes si shenje proteste ndaj këtij fenomeni. Ideja erdhi nga një grupi i vogël aktoresh por shumë shpejt u përhap edhe te të tjerat.
Një burim për revistën Cosmopolitan tha se të gjithë stilistët që po dizenjojnë veshjet e aktoreve tashmë po ndërrojnë ngjyrën që ishte zgjedhja fillestare në të zezë. Është ende e paqartë cilat do të jenë aktoret që do të vishen me të zeza, por mund të themi me siguri që Meryl Streep, Emma Stone, Nicole Kidman dhe Reese Witherspoon do të jenë.
