Lëngu nga portokalli gjendet në krye të listës së lëngjeve që janë më të konsumuara. Përveç shijes së mrekullueshme, kjo pije e popullarizuar është e mirë edhe për shëndetin tonë.
Studimet e fundit të kryera nga shkencëtarët kanë treguar se portokalli është një frut i pasur me substanca që veprojnë si anti-kancer dhe ndihmon për të luftuar presionin e lartë të gjakut.
Ja disa arsye pse duhet të pini lëng portokalli:
– Lëngu nga portokalli është i pasur me vitaminë C e cila ndihmon në forcimin e sistemit imunitar.
– Njerëzit të cilët kanë probleme me presionin e lartë të gjakut duhet të konsumojnë rregullisht këtë pije pasi ajo ndihmon në uljen e tij.
– Një nga përbërësit më të rëndësishëm që përmbanë portokalli është hesperidina, shkruan keshilla.net. Studimet kanë treguar se kjo substancë ndikon pozitivisht në sistemin kardiovaskular dhe ulin nivelin e kolesterolit në gjak.
– Portokalli ka veti antiinflamatore. Pikërisht këto veti ndihmojnë në lehtësimin e dhimbjeve në qoftë se keni problem me artrit, ngurtësi të muskujve dhe nyjave.
– Shkencëtarët thonë se antioksidantët në portokall ndihmojnë në humbjen e peshës. Një pije në ditë do të bëjë një ndikim pozitiv në metabolizmin tuaj dhe do të stimulojë humbjen e yndyrës/ Klan Kosova
