Një çift britanik ka festuar 70 vjetorin e martesës, duke zbuluar sekretin e jetës së lumtur të tyre: “Ju duhet shumë dashuri dhe durim”, thonë ata.
Stan Izatt 91 vjeçar dhe Dolly 89 vjeçare, u martuan në vitin 1947, kur ishin 21 respektivisht 19 vjet.
Pavarësisht shumë problemeve, pensionistja britanike tregon se çfarë duhet bërë për një jetë bashkëshortore të suksesshme: “Në martesa ju duhet dashuri, ju keni nevojë për besim. Lumturia do jetë e garantuar” ka thënë ajo.
Dolly vazhdon të tregojë sekrete se si rrodhi lidhja e saj me Stan Izatt, dhe momentin e parë kur u takuan: “Në fillim Stan nuk më pëlqeu. Kur u njohëm isha 15 vjeçe, me flokë të drejta dhe kurrë nuk vendosja grim. Kudo që shkoja Stan më ndiqte. Shkoja në dyqan ai vinte me biçikletë pas meje. Ai nguli kembe dhe ja arriti qëllimit” vazhdon rrëfimin e saj 89 vjeçarja.
Stan, veteran i Luftës së Dyte Botërore, tregon se nuk e kishte aspak të lehtë ta bindte Dollyn që t’i thoshte “Po”. Sa ishte ushtarë ai ka treguar se gjithmonë i shkruante letra.
Prindërit e tri vajzave, tashmë janë gjyshër të 13 nipërve dhe mbesave me të cilët edhe e kalojnë një pjesë të madhe të kohës.
Stan ende nuk e ka humbur “shijen” e romantikut, pasi çdo përvjetor ai i dhuron trëndafila gruas së tij, gruas me të cilën e kaloi gjithë jetën. Kjo pra është një shembull perfekt i një martese të gjatë dhe një familje të lumtur.
