Të premten që lamë pas u nda nga jeta reperi i njohur Mac Miller. 26-vjeçari ka pasur në një lidhje 2-vjeçare me këngëtaren e njohur Ariana Grande, lidhje e cila mori fund pak muaj më parë. Dyshimet e para për vdekjen e tij ishin nga mbidoza e drogës, por tashmë ka përfunduar autopsia për vdekjen e tij. Të paktën kështu shkruan sajti prestigjioz “People”.
“Autopsia u përfundua dhe shkaku i vdekjes është shtyrë në pritje të testeve shtesë. Trupi i tij është dorëzuar”, tha Sarah Ardalani, zëdhënësja e gjykatëses së qarkut në Los Anxhelos për 26-vjeçarin, Malcolm Mçormick, i cili u gjet i vdekur në Studio City, në shtëpinë e tij në Kaliforni.
Të premten, një burim tha për “People” se Miller pësoi një arrest kardiak pasi ka pësuar një mbidozë droge. Shtëpia e Millerit thuhet se ishte “pastruar” në mënyrë që të mos gjendeshin prova për përdorimin e drogës.
