Cunami që ka goditur brigjet përreth Sonda, mes ishullit indonezian të Xhava dhe Sumatra, është shkaktuar nga shpërthimi i vullkanit Anak Krakatau, një ishull vullkanik i formuar nga vullkani Krakatoa.
Lajmin e bën të ditur zëdhënësi i Agjencisë indoneziane që merret me fatkeqësitë natyrore, Sutopo Purëo Nugroho.
Deri tani numri i viktimave është më shumë se 220. Qindra ndërtesa janë shkatërruar nga një dallgë 20 metër e lartë, e cila goditi brigjet e Sumatra-s jugore dhe pjesën perëndimore të Java-s rreth orës 9:03 të shtunën, në 22 dhjetor.
Autoritetet vendase kanë paralajmëruar se numri i viktimave mund të rritet. Ata po vazhdojnë të kërkojnë nën gërmadha për të gjetur personat që rezultojnë të zhdukur. Në vendngjarje po ndihmojnë edhe pjesëtarë të Kryqit të Kuq.
