Sistemi i kamerës së dyfishtë që Apple e prezantoi në celularin e ri iPhone 7 Plus pritet të mbetet edhe në celularin iPhone 8 që do të prezantohet vitin tjetër.
Sipas analistit Ming-Chi Kuo nga KGI Securities, përdoruesit e Apple duhet të presin deri në vitin 2018 për ndonjë sistem të ri të kamerës.
Sipas tij, iPhone 8 nuk do të ketë më përmirësime në kamera, pasi sistemi më i avancuar i kamerës tashmë është krijuar nga Apple dhe është në modelin iPhone 7 Plus.
Kuo ofroi gjithashtu edhe disa informacione rreth asaj se çfarë përmirësime Apple është duke planifikuar që të bëjë në iPhone 8.
iPhone 8, përveç sistemit të kamerës, do të sjellë ndryshime të mëdha në dizajnin e iPhone, që përdoruesit e Apple kanë qenë duke e kërkuar prej kohësh.
Kështu, iPhone 8 do të ketë një ekran me skaje të lakuara dhe me një buton të ngjitur në të.
