TIRANE- Është thënë shpesh se koncensioni i kontrollit bazë të popullatës (40-65 vjeç) i është dhënë Vilma Nushit, mikes së Kryeministrit, edhe pse bizneset e saj nuk kishin asnjë lidhje me shëndetësinë. Por jo vetëm kaq, fakte të reja nxjerrin në dritë se me këtë koncension me vlerë, 120 mln Euro është e përfshirë indirekt edhe kompania e ministrit të Shëndetësisë, Ilir Beqaj, Intech+.
Tenderin e fitoi konsorciumi Marketing& Distribution + Trimed. Këto kompani nuk kanë asnjë experiencë pune në sektorin e shëndetësisë, madje kanë konflikt interesi pasi janë të orientuara në reklamën dhe shitjen e pijeve alkoolike dhe duhanit që dëmtojnë shëndetin e njeriut.
Përtej mungesës së experiencës në fushen ku fitoi tenderin, ka dhënë edhe ofertën më të lartë. Ajo që është për tu theksuar është se licenca e laboratorit është lëshuar nga QKL për Marketing& Distribution M&D vetëm dy ditë përpara mbylljes së afatit të aplikimit në APP.
Mendohet që specifikimet teknike per Sistemin e Informacionit që do të përdorej të cojnë në “detyrim përcaktim” në një sistem operator, Oracle. Kompania e Ministrit Beqaj, Intech + është njëra nga dy kompanitë që ka kontratë me Oracle për Shqipërinë.
