Kur flet për kompani si Aple, Microsoft, Benz, Ferrari, Coca-Cola e gjithfarësoj markash të tjera imazhi i tyre të vjen direkt në mendje. Ndërsa markat shqiptare të njohura nuk janë të shumta, por fillimet e tyre datojnë bashkë me themelimin e shtetit shqiptar. Opinion.al la verifikuar certifikaten e parë e regjistrimit daton më 16 prill 1920 e lëshuar për markën HOBDARI ose “Vllazën Hobdari”. Fisi Hobdari është një familjet e mëdha tregtare, që në fillim të 1914 ngritën fabrikën e parë të sapunit, në 1916 ngritën mullirin e parë të blojës me fuqi motorike, në 1918 ngritën një fabrikë të vogël për prodhimin e akullit, ku punonin shtatë punëtorë e prodhonin 7 kuintalë akull në ditë. Dhe në 1925 bashkë me aksionare të tjerë ngritën shoqërinë e parë aksionere anonime, Stamles, për prodhimin e letrës, shkrepseve dhe duhanit, etj. Gjithashtu një numër i madh markash me pronarë të huaj janë mbrojtur në Shqipëri si ajo SIMANCO, SINGER, KAFFE H.A.G, RETTUNGSRING, etj . Sistemi i i regjistrimit të markave pati fuqi deri në vitin 1944 vit kur në Shqipëri u instalua regjimi komunist. Në vitin 1957, qeveria e asaj kohe me një vendim të sajin njohu regjistrimin e markave të huaja në Shqipëri. Kështu gjatë kësaj periudhe janë regjistruar në Shqipëri marka tepër prestigjioze. Në prill të vitit 1994 u aprovua ligji i parë, nr. 7819 “Për pronësinë industriale”, objekti i të cilit ishte të sigurojë dhënien dhe mbrojtjen e të drejtave të Pronësisë Industriale për këto objekte: Shpikjet dhe modelet e përdorimit, Markat tregtare dhe të shërbimit, Dizenjot industriale dhe Emërtimet e origjinës. Janë burimet arkivore ato që na mundësojnë të mësojmë se Shqipëria mund të renditet denjësisht krahas vendeve të rajonit e më gjerë si një vend ku Marka dhe rëndësia e mbrojtjes së saj nuk i kanë fillesat tani, por qysh në fillimet e shekullit të njëzetë. Për sa më sipër, del në pah një fakt i pakundërshtueshëm që Shqipëria paska pas Ligj dhe akte nënligjore për Markat qysh në fillimet e para të shek. XX dhe jo vetëm kaq, por se kërkesat e ligjit për procedurën e regjistrimit të Markave në Shqipëri kanë qenë tepër të detajuara.
